إيه أنا فتحت "عيني" على حبٍ عقيم
إيه أنا فتحت "عيني" على حبٍ عقيم
ما عطاني يوم أنا هلك .. ياكود الضما
كنت احسب انه بيبقى على ظني حميم
كنت اظنه نور .. واثره طريقٍ للعما..!!
دلني .. لوبس بيدك على الدرب السليم
دلني ضاقت بي الارض .. وانفاس السما
اختنقت وشوف حالي عقب جرحك سقيم
جرحك اللي كلما مرت اطيوفك .. دما
جرحك اللي لا تذكرته ادعي .. يا كريم
ايه " نفس الجرح " .. لكن مع المده نما
ليه واحنا ماخذين السراط المستقيم
ميقنين ابحبنا .. لا شكوك .. او ربما
ليه والله من على العرش بالغايب عليم
اني احبك .. واودك .. فلا تسأل لما؟!
ليه تهجرني وانا كنت في عينك عظيم؟!
كم عذولن ردني .. قلت: بسك يا نما!
كلما يطرا لي البعد .. اعوذ من الرجيم !
لن حبك من على اسهيل يالغايب سما
كنت اشوفك قبلة الحب .. ياوجه السديم
كنت لك مثل الوطن .. وانت لي الانتما
جيت لي (رقه) وتوجعك هبات النسيم
صارت اضلوعي مراتعك .. قلبي لك حما
كيف تحرقها وهي لك من العهد القديم؟!
كيف ترمي قلب حبك ولا عمره رما؟!
ليه تورد " شاعرك " للمهالك ياعقيم؟!
ليه يا جعلك ... (تهنى) .. ولاتذوق العما
لا تعجب .. ذا خفوقي من اولته حميم!
هو انا دايم انا .. ليش؟ .. لاتسأل لما؟!
لـ #عبدالرحمن_آل_مغني
تعليقات
إرسال تعليق